NEXUS!
Pangalan ni Nexus ang agad na isinigaw ng utak ni Divina. Ang kaniyang takot ay nalusaw at napalitan iyon ng pag-asa. Nabuhayan siya ng pag-asa, sa wakas ligtas na siya. Niligtas siya ni Nexus. Ang lalaking mahal niya.
"Putangina ka, Joed!" Galit na sigaw ni Nexus na agad hinila si Joed.
Napasinghap si Divina at nagtago sa isang tabi nang hilain ni Nexus si Joed mula sa katawan niya at sunod-sunod itong pinagsusuntok sa mukha. Dumugo ang ilong at labi nito pero patuloy pa rin sa pagsuntok si Nexus. Sa nakikita ni Divina ay hindi pa nakontento sa suntok si Nexus, binuhat pa nito si Joed at inihagis sa isang tabi, pagkatapos ay pinagtatadyakan pa ang lalaking hindi na nakuha pang itaas ang pantalon na suot. Pati nga puwetan nito ay nakasilip at kitang-kita iyon ni Divina.
Wala na
