Mabilis na nilabas ni Philipp ang kanyang wallet upang bayaran ang kanilang kinain matapos tawagin ang waiter.
"Wait, sir, sukli niyo," inosenteng habol pa ng waiter nang mapansing paalis na sila.
"Keep it," agad na sagot ni Philipp sabay hawak ng kamay ni Lorraine, batid niyang ang babaeng kasama ang pakay ni Zayn sa babaeng ka-date nito na siyang kaibigan nito.
Hindi umimik o tumutol man lang si Lorraine nang hawakan siya sa kamay ni Philipp, ramdam sa kilos nito ang pagmamadali. Deretso sila sa kinapaparadaan ng kanilang sasakyan na agad siyang pinagbuksan nito.
"Get in, we have to get out of here," matiim na wika nito kaya mabilis siyang pumasok sa loob. Ganoon din naman ang ginawa ni Philipp, halos hindi makapagsalita si Lorraine sa mga nangyari. Mabuti na lang talaga at nakakain
