Matapos silang magkatitigan ni Philipp ay walang nagawa si Lorraine kundi ang bumangon. Mabilis na tinungo ang closet upang humanap roon ang pwede niyang maisuot kahit pa ramdam niya ang pagsunod ng tingin ng lalaki sa kanya.
Pasimpleng bumaling siya sa kinatatayuan ni Philipp bago niya ilabas ang isang maong pants, kita niyang nakamasid pa rin ito sa kanya.
"Aren't you leaving?" maang niya rito dahil naiilang na siyang kasama ito sa silid at tila bawat galaw niya ay nakatingin ito.
"Nope! Unless you're ready," anito dahilan upang maghanap na lamang ng tshirt na ipa-partner niya sa pantalon niya. Nang maya-maya ay muling nagsalita si Philipp. "Maong pants is not advisable for you to wear for the training," saad ni Philipp na patungo sa kanyang kinaroroonan at siya na mismo ang naglabas
