Batid ni Philipp na naiilang na si Lorraine sa kanilang sitwasyon kaya mabilis na sinabihang bumalik na ito sa silid bago pa siya makita ng ibang mga kasamahan.
"You must be careful, maswerte ka at ako ang nakabanggaan mo, paano kung ibang lalaki," giit niya kay Lorraine. "Bumalik ka na sa silid mo at hintayin mong ipatawag ka kanila," dagdag pang habilin sa babae saka mabilis na tinalikuran ito ngunit agad rin namang nilingon matapos ng ilang hakbang. "Dito ang area para sa lalaki at sa babae naman ay sa kabila para alam mo," bigay-alam rito.
Tahimik na pumihit si Lorraine pabalik sa pinaggalingan, alam niyang nakatingin pa rin si Philipp sa kanya ngunit pinilit niyang huwag na itong lingunin. Mabuti naman at tanda pa niya ang pasikot-sikot ng mga nilusutan niya kanina. Kababalik niya
