Pagdating nila sa bahay ng tiyahin ni Philipp ay nakitang nakaabang ito sa kanila sa labas ng townhouse nito. Maaliwas at maganda ang lokasyon ng bahay kaya kahit papaano ay magaan ang pakiramdam ni Lorraine.
Mabilis siyang pinagbuksan ni Philipp ng sasakyan doon ay magiliw silang sinalubong ng kanilang tiyahin kaya inihanda ni Lorraine ang sarili.
"Mabuti naman at nagawi ka rito, hijo, siya ba ang sinasabi mong kasama mo sa trabaho?" dinig ni Lorraine na tanong ng ginang kay Philipp.
"Opo, tita, siya si Lorraine," saad nito.
"Kumusta ka, hija," nakangiting baling nito sa kanya.
"A-Ayos lang naman po, t-tita," nahihiyang tugon sa ginang. Napangiti siya rito at hindi maiwasang mapatingala upang sipatin ang kabuuan ng bahay nito nang makitang tila may nakadungaw sa bintana ngunit nang t
