Jenny
"ANAK, isuot mo itong dress, oh."
Agad kumunot ang noo ko habang nakatingin kay Mommy at sa hawak niyang dress. Hindi ko alam kung bakit kailangan niya akong pagdamitin ng ganiyan.
"Magdi-dinner tayo mamaya kasama ang Lolo mo," nakangiting sabi niya.
"Bakit naman kailangan ko pang magsuot n'yan, Mommy?" Tiningnan ko ang dress na hawak niya at kinuha para tingnan iyon nang mas malapit. "Tyaka, Ma. Ano 'to? Bakit ang iksi? Akala ko ba dinner? Bakit parang hindi naman dinner ang pupuntahan ko nito?"
"Anak, desinteng damit 'yan. Kasinghaba lang n'yan 'yong skirt mo no'ng highschool."
"Ayaw ko nito!" naiinis kong sabi at inilapag ang dress. "Hindi ba pwedeng magpambahay na lang? Sanay naman si Lolo na nakikita akong naka-pajama o naka-shorts lang."
Natigil ako sa pagrereklamo nang
