◄Thomas's POV►
Hindi ko alam kung bakit tinanggihan ni Agatha ang imbitasyon ko sa kanya na duon muna kami ng dalawang araw sa resort ko. Gusto ko lang naman sana siyang makasama pa ng ilang araw na kami lang bago ako umalis, pero tumanggi siya dahil marami daw siyang inaasikaso. Hindi na ako nagpumilit pa, pero alam ko na nararamdaman niya na sumama ang loob ko. Pero ano ba ang magagawa ko? Kung iyon ang gusto niya ay iyon ang irerespeto ko.
Hindi rin pumasok ngayon si Agatha. Nagpaalam naman siya sa akin dahil ang sabi niya ay may inaasikaso daw siya. Hindi ko alam kung ano 'yon. Nagtanong naman ako sa kanya, pero ang sabi niya ay tungkol daw ito sa mga kaibigan niya. Hindi ko alam kung nagsasabi siya sa akin ng totoo. Hindi ko rin alam kung iniiwasan ba niya ako. Nasasaktan ako, kasi
