❀⊱Agatha's POV⊰❀
Inis akong nakaupo sa gilid ng kama. Hinihintay kong bumukas ang pintuan ng banyo pero parang nananadya yata si Thomas. Kanina pa siya sa loob pero parang ayaw niyang lumabas. Hindi ko na rin naririnig ang lagaslas ng tubig, pero nanatiling nasa loob lamang siya. Tumayo ako, pinihit ko ang seradura ng pintuan pero naka-lock pa rin ito sa loob.
"Thomas, palabasin mo nga ako ng secret room mo. Bwisit ka, buksan mo ang pintuan!" Inis kong sigaw. Pero nakakandado pa rin ang pintuan. Nakakapikon ang lalaking ito, akala yata niya ay nakakatuwa pa siya. Hinintay ko siyang sumagot pero wala akong nakuhang response kaya kahit papaano ay nakaramdam ako ng pangamba. Ano na ba ang nangyayari sa lalaking 'yon?
Lumapit ako sa dingding. Kinapa ko ito at baka sakaling mahanap ko ang s
