❀⊱Agatha's POV⊰❀
Hindi ako mapakali, hindi ko alam kung bakit mabilis ang pagtibok ng aking puso. Kinakabahan ako, pakiramdam ko ay may mangyayari ngayong gabi na hindi ko magugustuhan.
Nakalimang sayaw na ako. Iyon lang ang trabaho ko dito, limang sayaw at pagkatapos ay pwede na akong umuwi. Pero hindi ako makaalis dahil nandito pa sila Thomas at iba ang pagkakatitig niya sa akin sa tuwing sumasayaw ako. Nakikilala na ba niya ako? Sana ay hindi niya ako nakikilala dahil ayoko ng makabangga pa siya at ayokong malaman niya ang tungkol sa aking mga anak.
Kanina ay napasilip ako sa labas, kalat ang mga tauhan ni Thomas, iyon ang private army niya na pinamumunuan ni Chad. Parang sinasadya na kumalat sila para kapag lumabas ako ay haharangan nila ako. Iyon ang pakiramdam ko na mangyayari kay
