┈┈┈┈◦•✩•◦┈┈┈┈
Katatapos lang ng trabaho ni Agatha. Si Thomas ay nag-aayos na rin ng kanyang mga gamit para makauwi na sila. Kinuha nito ang laptop na ginagamit niya dito sa kanyang opisina at inilagay niya ito sa bag. Inilagay din ni Thomas sa laptop bag ang maraming dokumento. Nakikita ni Agatha kung gaano karami ang trabahong gagawin ng kanyang amo mamaya.
Kinain ni Thomas kanina ang pagkaing dala niya. Sabay man silang kumain ay tahimik lamang si Thomas kanina at hindi man lamang nito nagawang makipag-usap kay Agatha. Nagpasalamat naman ito, pero pagkatapos ng tanghalian ay parang hangin lang ulit sa kanyang paningin ang dalaga.
"Dalhin mo 'yang mga dokumento na 'yan. Kailangan ko 'yan sa opisina ko mamaya sa loob ng bahay ko. Lalo na 'yang mga kumalat sa sahig. Marami akong gagawi
