PABALIK-BALIK lang si Estelle nang lakad habang hawak ang maliit na papel na iyon. Hindi siya mapakali. Para bang bumubulong sa kanya na alamin ang lahat kay Nica. Ginulo lang naman kasi nito ang isipan niya. Pero hindi siya makaalis ng bahay ni Kurt nang basta-basta sa hindi niya alam na kadahilanan.
Bumuntonghininga muna si Estelle bago lumapit sa side table, kung saan naroon ang cellphone niya. Akmang idadayal niya ang numero ni Nica nang kusa na lang lumabas ang shutdown. Binuksan niya pa ulit iyon sa pag-aakalang may problema sa cellphone niya. Kinuha niya rin ang charger para hindi na mag-shutdown ulit. Pero sa ganoon pa rin ang nangyayari sa t’wing idadayal niya ang numero ni Nica. At tanging sa number lang ng dating asawa ni Kurt.
Sinubukan din ni Estelle na idayal ang numero ng
