Chapter 14
TIN-TIN...
MAAGA SIYANG nagising, balak niyang mag-jogging kahit kalahating oras lang. Tulog pa ang mga kabahay niya, hindi pa rin kasi siya iniiwanan ng mga magulang niya. Umuwi na nang San Andres ang kapatid niya dahil may pasok pa ito sa eskwelahan.
Kalalabas pa lang niya ng bahay, pero parang gusto na niyang pumasok agad.
Tama ba siya sa nakikita niya? Sasakyan ni Theodore ang nasa tapat ng bahay niya.
Kilala niya ang sasakyan ni Theodore, ilang beses na siyang nakasakay doon. Kung tutuusin mas madalas na sasakyan ni Theodore ang gamit nila sa araw-araw.
Kaya hindi siya pwedeng magkamali na hindi ito sasakyan ni Theodore.
"Anong ginagawa niya dito? Ang aga pa lang," bulong niya sa sarili.
Naglakad na siya papunta sa sasakyan para tignan kung nasa loob si Theodo
