TAHIMIK na pumasok si Gael sa bahay na inuupahan niya. Pasalpak siyang umupo sa sofa at sumandal doon. Nasapo pa niya ang kaniyang noo habang nakatuon sa tuhod niya ang kaniyang mga siko.
"Gael, ano ba? Can you please listen to me? Hindi kita iiwan dahil hindi na kita mahal, I still love you pero kailangan kong gawin ito para sa iyo. K-kung maging ok ako, b-babalik ako, promise! Babalikan kita at sana sa pagkakataong iyon, ako pa rin ang mahal mo."
Pinilig niya ang kaniyang ulo nang muli na namang bumalik doon ang alaala ng nakaraan niya. Pitong taon na ang nakaraan simula nang iwan siya ni Lilliana Ruiz, ang babaeng tanging minahal niya sa buong buhay niya at hanggang ngayon, umaasa at naghihintay pa rin siya sa pagbabalik ng dalaga. Palaisipan pa rin kasi sa kaniya ang dahilan ng pag-
