"I'M SORRY, Gael pero alam naming ikaw lang ang magpapalambot sa anak namin kaya pinapunta kita rito. Sigurado akong makikinig siya sa iyo," bungad ni Gilberto kay Gael nang makapasok siya sa malaking bahay ng mga Lopez. Hindi man niya gustong pumunta roon at makita si Tallulah, wala siyang magawa dahil sa request ni Gilberto at sa pag-aalala niya para sa bata. Nalaman kasi niyang hindi raw kumakain at lumalabas ng silid si Tallulah at marahil dahil iyon sa nangyari sa boutique nang nagdaang araw na labis niyang kinagalit.
Bumuntong-hininga siya. Napakamot na lang siya sa noo at napailing. "Nasaan ho siya?" walang emosyong tanong niya.
"She's in her room. Kanina pa namin siyang kinakatok para kumain pero hindi siya lumalabas. Gael, please alam kong makikinig sa 'yo si Tali, kaya sana kah
