"KUYA told me about your new job, Tali," simula ni Brielle habang nasa labas sila dahil inaya siya nitong magkape sa malapit na coffee shop. "Alam mo, masyado siyang nag-aalala for you. He really wants you to stop from working as a caregiver pero wala siyang magawa dahil ito naman ang gusto mo," pag-amin nito.
Umiwas siya nang tingin sa kaibigan at bumaling sa kapeng nasa harap niya. "I feel sorry for Kendric, Brielle dahil alam kong gusto niya lang akong tulungan pero gusto kong gawin ito hindi dahil may pride ako, kung 'di dahil ito lang ang magagawa ko," seryoso niyang turan.
Kumunot ang noo ni Brielle matapos nitong humigop sa kape nito. "Ito lang ang magagawa mo? You can do anything, Tali, pwede ka sa kompanya ni Kuya. He will give you the best job for you."
Bumuntong-hininga siya.
