Vampire's Pet

PROLOGUE Runo Kaelynn Alberona, isang ulila at laking ampunan. Wala akong kinalakihang magulang kundi ang mga taong kumupkop sa'kin sa ampunan, wala akong kilalang kapatid kundi ang mga batang kasama kong lumaki doon. At ngayon panahon na para umalis ako sa lugar na ito, nineteen years old na ko at hindi na ako pwede pang tumuloy dito. Tanging high school lang ang na tapos ko at wala na kong balak pa mag-aral ng kolehiyo dahil sa hirap ng buhay. Nagpasya sila sister na ipadala ako sa isang mayamang pamilya at doon manilbihan. Sa pamamalakad ng apat na magkakapatid na Lockhart, simula ngayon doon na ko titira at magtatrabaho. Mag iipon ako para bumukod at magtayo ng sarili kong negosyo at para na rin hanapin ang mga tunay kong magulang na iniwan ako sa ampunan. Itong araw na 'to, mabubuhay ako ng walang hinihinging tulong galing sa iba, sa sarili ko na lang ako aasa. Huminga ako ng malalim pagkatigil ko sa tapat ng gate ng malaking mansion nila. "Kaya ko 'to!" saka ko pinindot ang doorbell na hindi alam kung ano ang kahihinatnan ko pagpasok ko sa loob. *dingdong* Chapter One