MATAMANG nakatitig si Hamiel sa isang tasang kape na nasa harapan niya. Napaaga ang dating niya sa set ng showbiz news show na tanging pinaunlakan niya para sa exclusive interview kaya may oras pa siya para magkape… o mag-emote. Dalawang linggo na ang lumipas nang magkahiwalay sila ni Limien. At isang linggo na ang nakalipas nang magsimulang mag-explode sa social media ang tungkol sa breakup nila. Sinabihan na niya si Tita Sandra na sabihan si Limien na ’wag nang maglabas ng statement at siya na ang bahala. So here he was, waiting for the show to begin. It was a live interview with Danica Urbano, one of his college friends and so happened to be Cielo’s love interest.
Sinimulan na niyang inumin ang kape bago pa iyon lumamig.
“Sigurado ka na ba talaga na haharap ka nang live sa media?
