**WEDDING DAY
Sakay na ng sasakyan si Lukas patungo sa Mansiyon de Crassus nang may matte-black na SUV ang biglang um-overtake sa kanila at huminto pahalang sa gitna ng kalsada. Tapos ay may dalawa pang kotseng umagapay sa nauna, pinagitnaan ang sasakyan ng Underboss. Synchronisado ang paggalaw ng dalawa na ang layunin ay makulong siya sa gitna.
“Sir, ano po ang gagawin natin?” lingon sa kanya ng driver.
Bago pa siya makapagsalita ay inulan na sila ng bala, na tumatama sa bulletproof na salamin ng sasakyan. Lumilikha iyon ng malakas na tunog na umaabot sa loob. Bumaba ng kotse ang dalawang armadong kalalakihan at lumapit sa sasakyan niya.
Akala siguro ng mga ito ay wala na siyang magagawa laban sa mga ito, lalo na at wala pang back-up na puwedeng tumulong sa kanya. Sigurado siyang tin
