Nakaharap ako sa salamin habang nakatingin sa sariling repleksyon ko. Kahit papano ay hindi na ako gaanong maputla. Nakakatulong rin kasi ang araw-araw na pagpapaaraw ko kaya bumalik sa dati ang kulay ko. Inayos ko ang suot na bestida. Papasok ako ngayon sa trabaho ko.
Matapos kong suriin ang sarili ay kaagad akong lumabas sa aking silid. Sa pagbaba ko ng hagdan ay narinig ko pa si Eric na may kausap sa telepono.
"f**k you! Huwag mo na kaming guluhin. Maayos na siya kaya tumigil ka na!" galit na wika niya sa kausap na narinig ko. Binagsak ni Eric ang telepono kaya napapitlag pa ako. Nang humarap siya sa direksyon ko ay nagulat pa ito nang makita ako.
"J-Jen." gulat niyang sambit sa pangalan ko. "Kanina ka pa ba riyan?"
"Kakababa ko lang. Ang aga mo namang galit. Sinong kaaway mo?" ani
