Jenny's Pov
Nang mawala sa paningin ko si Lyzander ay saka ko na lang isinara ang bintana at tinungo ang pintoan kung saan walang tigil sa pagkatok si Itay. Humugot-buga muna ako ng hangin bago ko siya pinagbuksan.
"Tay–"
"Bakit ang tagal mong buksan?" dire-diretsong pumasok si Itay sa loob ng kuwarto ko na tila may hinahanap ito. Tinungo nito ang bintana saka iyon binuksan. "May kasama ka ba dito?" anito nang bumaling ito sa akin.
"W-wala po," kabado kong tugon.
Alam niya bang narito kanina si Lyzander? Imposible naman siguro dahil sarado ang kuwarto nila kanina saka sinilip ko rin sila bago ko puntahan si Lyzander at nakita ko nga na mahimbing na silang natutulog sa kuwarto nila ni Inay.
"Bakit matagal mo bago buksan ang pinto, Jenny? Hindi ka naman bingi, at malakas ang pagkatok k
