✿✿♡ KIM ♡✿✿
HINDI nga nagbibiro si Julian nang sabihin niyang iuuwi niya ako sa bahay niya. Narito na kami ngayon, mag-aalas nuebe na ng gabi. Tahimik sa loob pagpasok namin. Ngunit ang una kong napansin ay ang dalawang guwardya na naroon sa taas, malapit sa pintuan ng kwarto ng kambal.
Sila ang nagbantay.
Tinanguan sila ni Julian nang makita nila kami at tila alam na agad nila ang ibig sabihin no’n. Bumaba sila at lumapit kay Julian. Kinumusta ni Julian ang kambal, kung hindi raw ba ito nagising o umiyak. Hindi naman daw.
Nang makalabas na ang dalawang guwardya, ako naman ang binalingan ni Julian at sinenyasan na sumunod sa kaniya. Sa direksyon ng kusina siya papunta. Sumunod ako. Pagdating niya ro’n, tinungo niya ang mini bar at kumuha ng isang bote ng alak at isang baso.
“Gusto mo
