البارت الخامس
ادم طلع هو وساره على العماره واول ما فتحوا باب الشقه لقوا قطه سوداء كبيره قوي خرجت وعملت صوت فظيع خلاهم هم الاثنين رجعوا لورا من كثر الخضه ..... ادم : اعوذ بالله من الشيطان الرجيم ايه ده .... ساره : اكيد لما الست كانت بتاخذ الحاجه بتاعتها القطه دخلت من غير ما تاخذ بالها وكانت مستنيه حد يفتح لها الباب واول ما فتحنا خرجت على طول ..... ما تخافش يا ادم الحاجات دي وارده انها تحصل ... ادم : انا ما خوفتش ولا حاجه بس اتخضيت لان القطه شكلها فظيع جدا ..... دخلت ساره جوه وادم طلع بره على السلم يبص على القطه لكن المفاجاه ان القطه اختفت وما بقتش موجوده على السلم وكانها ما كانتش موجوده اصلا ...... ! ما رضاش يتكلم مع ساره في الموضوع ده ولا يقول لها اي حاجه ودخل على جوه .... ساره : هي دي الشقه اللي انا كنت باحلم بيها من زمان انت ما تعرفش يا ادم انا كنت مستنيه نجيب شقه واسعه وحلوه زي دي
