أكواريل

البارت الرابع

البارت الرابع

ادم كان قاعد عمال يفكر يقول لي هاله الموضوع بتاع الراجل اللي تحت ولا لا . وكان محتار جدا عشان لو قال لها ممكن تفتكر انه بيتهرب من شراء الشقه .. لكن هو فرحان بيها جدا ومش عاوز يسيبها تضيع من ايده .

لكن قرر انه هيقول لها عشان نفسيته ترتاح ....

ادم : هو انا ممكن اسألك في حاجه يا استاذه هاله .. هاله : اتفضل طبعا ده حقك ولو انت عاوز اي حاجه انا هاقول لك عليها ....

ادم : بالنسبه للجار اللي ساكن تحت انا المره اللي فاتت لقيته بيقول لي كلام غريب جدا عن الشقه وبيقول لي اوعى تاخدها ممكن اعرف ايه تفسير الموضوع ده .. فجأه هاله راحت ضحكت ضحكه بصوت عالي وقالت له : عم علي هو في حد برده ياخد على كلام عم علي الناس هنا بيقولوا انه بيخرف وبيقول كلام غريب جدا بيقول ان الشقه دي مش كويسه انا ما اعرفش هو يقصد ايه بالضبط لاني عمري ما تكلمت معاه في الموضوع ده خالص بس انا بأكد لك انه مخه على قده وما تاخذش باي حاجه من الكلام ولو انت برده عاوز ترجع في كلامك انا معاك عشان ما بقاش جبرتك على حاجه ادم : بالع** الشقه عجباني جدا جدا انا ومراتي ومش عاوزين نسيبها بس انا احترت من ساعه الراجل ده وكلامه وقلت اما اجي اسالك برده هاله انا معك في اي حاجه واي قرار انت هتاخذه بس بعد اذنك ما تعطرنيش اكثر من كده في ناس كثير جدا من ساعه ما حطيت اعلان الشقه وهما عاوزين ياخذوها وانا احترمت انك اول واحد كلمتني وبالتالي كان ثلث معهم كل المواعيد ادم وانا قد وعدي وهو المقدم ويلا عشان نكتب ال*قد هاله : يعني انت متاكد انك خلاص هتاخذ الشقه

ادم : ايوه يا استاذه هاله خلاص الشقه دي بتاعتي وكان مبسوط جدا لان ساره هتبقى فرحانه لما يعرف انهم خلاص اخيرا كتب وهيستلموا الشقه .....

ادم : اقدر استلم الشقه امتى.؟

هلا : يومين بالكثير افضي كل حاجتي عشان اشوف هوديها فين ممكن اوديها في بيت اخويا اللي قريب من هنا اوديها في اي حته لاني خلاص مسافره ومش راجعه ثاني ... ادم : بس حاجه وحشه قوي يا استاذه انا مش باتدخل في خصوصياتك لكن مش حلو انك تسيبي بلدك وما ترجعيش ثاني .... هاله : والله يا استاذ ادم انا هاسيبها على عيني طبعا بس انا فعلا عيلتي كلها هناك حتى اخويا اللي باقول لك شقته هنا ده عايش مع الاولاد بره قلت هاقعد هنا لمين وانا ما عنديش اصحاب ولا اقعد عشانهم عشان كده قررت اني اسافر .....

ادم : طيب تمام انا كده مضيت .. هاله : ودي نسخه مفتاح الشقه عشان تبقى ضامن برده وخلاص انا يومين بالكثير وهاروح الم حاجتي وهتبقى الشقه فاضيه وتقدر تنقل بها في اي وقت ... نزل ادم من عند هاله بعد ما خلص امضاء ال*قد وخلص كل حاجه بس كان حاسس ان قلبه مقبوض جايز عشان اول مره من ساعه ما اتجوزوا انه ينقل في شقه جديده وشايف انها خطوه سريعه بالنسبه لهم وهو نازل فتح عم محمد الباب وبص له وهو مستغرب وهو ماسك ال*قد في يده الثانيه بيبص فيه اول ما ام محمد فتح الباب روح بص لادم وقال له : برده نفذت اللي في دماغك انا حذرتك وانت حر وراح قفل الباب في وشه... ادم كان بيحاول يتجاهل كلام الراجل ده ويعتبر نفسه كانه ما سمعش اي حاجه لكن كلامه كان داخل جوه دماغه ومش عارف يخرج خالص ولا عارف يحكي لساره انه قلقان جدا من الشقه لكن لما بص في ايده لقى ال*قد ساعتها عرف انه خلاص مش هينفع يرجع في قراره وان الشقه بقت بتاعتهم خلاص وجايز يكون كل الكلام ده زي ما مدام هاله بتقول انها كلها خرافات وكلام ما يتصدقش لانه راجل مجنون روح على البيت كانت ساره قاعده هناك مستنياه عشان تسمع الاخبار الحلوه اول ما فتح باب الشقه جريت عليه وقالت له : عملت ايه .؟ كان شكله مكشر خالص ساره : في ايه يا ادم ما عجبتكش الشقه صح انا قلبي كان حاسس انك مش هتجيبها وهترجع في كلامك على اخر لحظه ليه كده يا ادم انا قلت لك ان الشقه عاجباني واني نفسي انقل في بيت كبير. .. ادم : في ايه يا ساره ليه بتقولي كده ال*قد معايا اهو وكتبته خلاص انا بس تعبان شويه عشان كده تحسي اني شكلي متضايق .. ساره : اخذت ال*قد وقعدت تقراه وهي مبسوطه جدا وما انتبهتش ان ادم شكله متضايق وزعلان وفي حاجه خنقاه ومش قادر يتكلم كان بيبص لساره وهي فرحانه وكان مبسوط جدا لفرحه دي قرر انه مش هيبين لها اي حاجه عشان ما ينكدش عليها دخلت ساره الاوضه عنده وقالت له : تصدق يا ادم لو ما كنتش مضيت ال*قد كنت هازعل جدا هننقل امتى بقى .. ادم : انتي مالك مستعجله كده ليه مش هنستنى لما الست تاخذ حاجتها اللي في الشقه وبعد كده نبدا ننقل هي قالت لي يومين هتكون لمت كل حاجتها وهتسافر كمان

ساره : طيب كويسه اكون لميت حاجتنا احنا كمان يا ياريت بقى تعرض الشقه دي للبيع عشان احنا محتاجين فلوس نوضب الشقه الجديده ناخذ الفلوس ونجيب كل الحاجه اللي ناقصه.... ادم : بس انا مش عاوز ابيع الشقه دي جايز الثانيه ما تعجبناش ونقعد نرجع هنا ثاني : ساره : مستحيل يعلي اني ارجع في الشقه دي ثاني في الشقه دي ضيقه ومش مكفيانت ولا انا ولا عيالك...

ادم : خلاص يا ساره يعني انت متاكده انك مش عاوزه الشقه دي وعاوزه فلوسها عشان تجيبي بيهم الحاجات اللي ناقصه....

ساره : ايوه يا ادم يا ريت تعرضها على البيع وتبيعها باي ثمن اهو نستفاد منها باي حاجه وخلاص .... ادم : ماشي يا ساره انا بعمل لك كل اللي انت عاوزاه عشان ما تبقيش متضايقه او متازمه من حاجه وعلى العموم في واحد تحت هنا كان عاوز يشتري الشقه لي مامته وتقعد فيها وتبقى معاه في نفس العماره انا هاعرض عليه واحاول ابيعها بسعر كويس عندك حق فعلا احنا ما بقاش معنا فلوس خالص نجيب اي حاجه في الشقه الجديده ..... ساره : طيب انزل دلوقتي قول له على موضوع بيع الشقه دي عشان نسرع في البيع ادم لبس هدومه نزل عند جارهم اللي ساكن في الدور اللي تحت وخبط على الباب فتح له الباب .اياد جارهم ..... اياد : اهلا يا استاذ ادم عامل ايه ايه المفاجاه الحلوه دي تعال اتفضل اقعد ادم لا معلش يا استاذ اياد اصلي انا مستعجل جدا انا بس كنت عاوز اقول لك اني هاعزل من هنا وهابيع الشقه وانت كنت عاوزها فلو لسه عند كلامك وعاوزها انت اولى من الغريب وانا قلت اقول لك اول واحد : اياد ايوه طبعا عاوزها انت مش متخيل انت هتنفعني ازاي انا كنت بدور على شقه لوالدتي في المكان هنا وما كنتش لاقي خالص لان الشقق كلها ساكنه حوالينا ده انت جيت لي من السماء ... ادم : على العموم انا هابيعها بنفس السعر اللي كنت قايل لك عليه قبل كده فلو موافق انا يومين كده وهانقل وان شاء الله نكتب ال*قد وتستلمها بعد يومين ... اياد : بكره الفلوس هتكون عندك ما تقلقش خالص الفلوس جاهزه وانا كنت بدور على شقه اصلا ... طلع ادم وقال لساره ان اياد وافق على شراء الشقه وهيجيب الفلوس بكره ... ساره : طيب كويس اهي الفلوس دي بقى هتنفعنا نعمل اللي احنا عاوزينه في الشقه يا ادم ونجيب اوضه حلوه للاولاد بدل ما هم كانوا بيناموا معنا في نفس الاوضه انا هابدا الم في الحاجه... ادم : انا هادخل انام عشان صاحي من بدري وتعبان قوي دخل ادم على السرير وكان كلام عم محمد ما بيفارقش دماغه لحظه واحده واول لما اغمض عينه حلم انه في شقه كبيره لكن كانت مقفوله عليه والدنيا ظلمه جدا كان بيجري في الشقه وبيحاول يفتح الابواب والشبابيك لكن كانت مقفوله بالحديد ومش راضيه تفتح خالص وبعد كده ظهر له من بعيد عم محمد اللي كان فاتح له بابه بيقول له تعال اخرج من هنا اوع تدخل المكان ده بيدك مش هتعرف تخرج ثاني انا حذرتك وانت ما سمعتش كلامي راح ادم بس وراه لقى خيال اسود كبير جدا بيقرب منه ادم جري على عم محمد وقبل ما يخرج من الباب كانت ساره بتصحيه من النوم .. ! ساره : ادم اصحى في ايه انت بتتكلم وانت نايم ولا ايه ... ادم : اعوذ بالله من الشيطان الرجيم انا مش عارف يا ساره كنت بحلم بحلم وحش قوي شكله كده كابوس فظيع ..... ساره :

انا قلت لك بلاش تنام نص اليوم يا ادم عشان الوقت ده بيخليك تحلم بكوابيس وحشه جدا .... ادم : خلاص انا صحيت اهو مش هانام ثاني انت كنت بتصحيني ليه في حاجه ولا ايه : ساره استاذ اياد جايب والدته وبيتف*جوا على الشقه قلت اصحيك عشان اوضب الاوضه وادخلوا يتف*جوا على الاوضه كويس غسل وشه وطلع بره عشان يستقبل إياد ومامته.. اياد : معلش بقى صحيناك من النوم بس ماما **مت انها تيجي وتشوف الشقه بنفسها لانها خلاص هتنقل فيها بعد ما انتم تمشوا على طول ... ادم : لا ولا يهمك تيجوا في اي وقت دي خلاص بقت شقتكم دخلت مامت اياد تتف*ج على البيت وعلى الاوضه وقالت لهم الشقه دي مناسبه جدا بالنسبه لي لاني عايشه لوحدي مش هحتاج اكثر من الاوضه دي وهي شكلها مريحه وحلوه جدا وانا ارتحت لها من اول ما دخلتها ادم : ده من ذوق حضرتك ما تتصوريش انا الشقه دي بحبها ازاي ولي فيها ذكريات جميله بس زي ما انت عارفه بقى الاولاد بتكبر ومحتاجين شقه كبيره.. -ايوه طبعا يا ابني انا فاهمه الكلام ده كله هي مناسبه لوحده كده في سني عايشه لوحدها وما عندهاش اي احد وانا فرحت جدا اني هابقى ساكنه فوق ابني ماشي يا اياد الشقه عجبتني وخلاص بكره ان شاء الله نكتب ال*قد وتدي للاستاذ في الوصول ... اياد : انا كنت متاكد انها هتعجبك هي فعلا جميله جدا زي ما اتفقنا بقى يا ادم بكره ان شاء الله هاقابلك واجيب لك الفلوس معي مشي اياد هو و مامته وساره كانت فرحانه جدا ان هو مقتنعوا بالشقه وقالت لي ادم : اخيرا كل حاجه عاوزاها هتتعمل في يومين بالضبط انا عاوزه افتح عيني واغمض الاقي نفسي في الشقه الجديده واتف*جت وقاعدين فيها انا متاكده انها هتبقى جميله جدا وهتعجب الاولاد ادم بس شدي حيلك انت ولمي كل حاجه عشان خلاص ما فيش وقت لازم يومين بالضبط ونخلص لان انا ادينا للناس كلمه ومامت اياد حتجي هنا كمان يومين ساره كانت عماله تلم في الحاجات اللي في البيت في كراتين وتقفلها عشان تاخذها معها بنتها مي قالت لها : هو احنا خلاص يا ماما هنمشي من البيت هنا .. ساره : ايوه يا مي جايبه لكم شقه كبيره عشان يبقى لك اوضه انتي واخوكي تناموا فيها براحتكم بدل ما بنتزنق كلنا جنب بعض مي بس انا باخاف يا ماما انام لوحدي انا تعودت انام جنبك انت وبابا ..ساره : هتتعودي ان شاء الله ولو عاوزاني انام جنبك هابقى اجي بس سيبيني دلوقتي عشان بلم حاجاتنا كلها وما تاخرش دخلت مي جوه عند اخوها مروان وقالت له : ماما وبابا جابوا شقه جديده واحنا هنقعد فيها وهنبقى لنا اوضه لوحدنا انا وانت ننام فيها مروان كان فرحان جدا ثاني يوم الصبح ادم راح الشغل

وهناك حكى لصاحبه محمد انه خلاص هيبيع شقته واشترى شقه جديده محمد بارك له وقال له : ان شاء الله تبقى فاتحه خير عليك رجع من الشغل كانت ساره ومي مخلصين كل حاجه ولموا حاجتهم في كراتين ... اياد جاله اخر النهار ادى له الفلوس ومضى ال*قد معه وقال له : انه هيسلموا الشقه بكره وكلم مدام هاله قالت له: انها خلاص لمت حاجتها وهتسافر على طول..

ساره : مش احنا المفروض نروح الشقه الاول وهي فاضيه ننظفها ونمسحها عشان نودي العفش وتبقى نظيفه... ادم : ايوه طبعا لازم طيب روحي ودي الاولاد عند مامتك وتعالي بعد كده نروح انا وانت... ساره اخذت الاولاد وديتهم عند مامتها وادم راح اشترى الحاجه اللي هينظف بيها البيت وقابل ساره في السكه طلعوا على العماره وكان طالع بحرص شديد عشان عم محمد ما يسمعش صوته ويفتح الباب ويقعد يقول كلام غريب زي اللي بيقولوا وصلوا على الشقه و هو بيفتح صوت تزيقه الباب خلع قلبه من جوه و حس ان فيه حد كان بيشد الباب من جوه .. و اول ما فتح لقي !! ..

يتبع..