“Teka, saan ka pupunta ha?” Si Ruby iyon na agad humarang sa pintuan, idinipa pa nito ang dalawang braso para masigurong hindi siya makakalabas doon.
Inis niyang tinaasan ng kilay ang pinsan. “Umalis ka nga diyan, ano ba?”
Simula ng makauwi siya, nagmistula na itong body guard niya, ni hindi nawawala sa kanya ang paningin nito at aaminin niyang naiirita siya. Nauunawaan niya naman kung saan ito nanggagaling, hindi lang siguro siya sanay kaya nawiwirduhan siya sa ginagawa nito.
Kung may maganda mang epekto kay Ruby ang ginagawa nito ngayon, siguro yun ay ang hindi na nito pag-alis alis ng bahay. Ilang araw na rin itong hindi nakikipag-meet-up kung kani-kanino..
“Saan ka nga pupunta? Hindi ka pwedeng umalis!” matapang na wika nito.
“Bibili lang ako ng gusto ko kainin.” pag-amin niya. B
