“You mean, totoo lahat ng sinabi ni Summer sa’kin kanina?!” Hindi makapaniwalang tanong ni Paul kay Amara.
Gaya ng dati ay yukong-yuko nanaman ito habang nasa tapat niya at nakatayo. Hindi ito nag-abala man lang na maupo lalo na at hindi niya rin naman inalok.
Hindi maunawaan ni Paul kung ano ang dapat na maramdaman, galit siya at disappointed pero naroon din ang pakiramdam na parang may hindi talaga tama. Hindi siya tanga, may ideya siya sa nangyayari pero paano niya naman mapagtatagni-tagni ang nasa isip niya kung si Amara mismo ang ayaw maging totoo sa kanya?
“T-totoo po yun, Sir. N-nakikiusap po ako na kay Summer niyo na ibigay ang promotion, mahusay din naman po siya at masipag. Sa palagay ko magagawa niya ng tama ang obligasyon niya at sigurado akong hindi niya kayo bibiguin,” tug
