“Jeez, Couz! Kanina pa kita hinihintay! Ano bang nangyari sa’yo? Akala ko nilayasan mo na ‘ko. Bakit ka ba naglayas, ha?” Umiiyak na tanong ni Ruby habang yakap siya nito. Wala siyang naging kibo, ang mga mata niya ay nakatutok sa noo’y naglaho ng sasakyan ni Luciano. Tila iyon kinain ng kadiliman.
“Saan ka galing, ha? Saka, ano yang- teka, sino ba yang tinitingnan mo diyan, Couz? Huy, ayos ka lang ba?” Inalog-alog pa siya nito. Maya-maya pa ay kinapa nito ang leeg at noo niya.
“Hindi kaya, naengkanto ka na, Couz? M-may nakikita ka ba sa.. sa banda dun?” Ang nag-aalalang tinig nito ay agad napalitan ng takot habang nakikitingin sa madilim na kalsadang pinagmamasdan niya.
Kahit na mabigat ang kalooban niya ay hindi niya pa rin mapigilang mag-alala na baka mamaya ay magtawag nanaman ng a
