"BAKA MATUNAW na ang kapatid ko niyan kakatitig mo. Dahan-dahan lang, Gracia."
Biglang napalingon si Gracia sa kaniyang likuran nang marinig ang pamilyar na boses na iyon. Ang nakangiting mukha ni Judas ang bumungad sa kaniya habang nakapamulsa itong naglalakad palapit sa kaniyang puwesto.
"Sir Judas. Nandito na po pala kayo." anang dalaga pagkuwa'y ngumiti rito. Isang tango naman ang naging tugon ni Judas sa kaniya bago ito tuluyang nakalapit sa kinauupuan niya.
"Mukhang nag e-enjoy ka sa pinapanuod mo a!" anang lalake pagkuwa'y saglit na tinapunan ng tingin si Octavio na nasa garahe kasama nito ang kaniyang aso.
Mabilis pa sa alas kuwatrong nag bawi ng kaniyang tingin si Gracia nang maramdaman ang pag-iinit sa kaniyang mukha dahil sa tinuran nito. Pakiramdamn ng dalaga kasing pula
