KAAGAD na napatayo sa gilid ng kama ang dalawang dalaga nang makita ang nakasimangot na hitsura ng binata. Lihim pang napalunok ng kaniyang laway si Jen at pasimpleng sinilip si Gracia sa gilid ng kaniyang mata.
"A, hindi pa po kami tapos mag-usap sir." sagot ni Gracia sa binata. Kita pa ng dalaga ang mabilis na pag igting ng mga panga nito dahil sa naging sagot niya.
Mas lalong nangunot ang noo ni Octavio at matalim na tinitigan ang dalaga. "In my office." aniya bago ito tumalikod at malalaki ang mga hakbang na nilisan ang tapat ng silid ng dalaga.
Biglang napaupo muli sa gilid ng kama si Jen na tila pinanghihinaan ng mga kalamnan nito. "Grabe ka... bakit mo sinagot ng gano'n si sir?" tanong nito.
Nangunot din ang noo ni Gracia pagkuwa'y kinuha nito ang kaniyang bag at naglakad palapi
