"S-SIR OCTAVIO?" gulat na sambit ni Gracia sa pangalan ng binata nang madatnan niya ito sa labas ng bahay ng kaniyang lola. Ang sabi kanina ni Marie sa kaniya nang nasa sementeryo pa sila ay may lalake raw na naghahanap sa kaniya kung kaya'y nag pasiya na muna siyang umuwi at babalikan na lamang ang abuela sa bandang hapon. Hindi naman naisip ng dalaga na ang masungit na si Octavio pala ang lalakeng naghahanap sa kaniya. Teka, paano nito nalaman ang kaniyang lugar? Si Judas ba ang nag sabi rito kung nasaan siya ngayon?
Mula sa kinatatayuan ay nag baling ng tingin ang binata sa gawi ni Gracia. Suot sa mukha nito ang hindi maipintang hitsura. Usual, magkadikit na naman ang mga kilay nito at matalim ang titig sa dalaga.
"S-sir—"
"Let's go!" saad nito upang putulin sa pagsasalita ang dalaga
