MAGKAHALONG tuwa at pag-aalala ang naramdaman ni Gracia habang nasa gilid ito ng pinto ng silid at nakasilip sa binatang si Octavio na ngayo'y paroo't parito ang lakad sa sala. Palabas na kasi sana siya kanina nang marinig niyang kausap nito sa cellphone ang kapatid na si Esrael. Nang marinig ng dalaga na gusto ni Esrael na isama siya ni Octavio pauwi ng Pilipinas ay gano'n na lamang ang tuwa at saya sa kaniyang puso pero hindi naglaon ay kaagad din namang nag laho iyon nang magalit ang binata. Tutol si Octavio sa gusto ni Esrael. Nanlulumong lumabas si Gracia sa likod ng pinto at nakayukong naglakad palapit sa binata. Kaagad namang huminto si Octavio sa paglalakad nang makita ang dalaga. Mabilis pa sa alas kuwatrong umarko ang dulo ng labi nito habang masama ang tingin kay Gracia.
"S-sir
