CHAPTER 21
The Deal
“ ¡DIOS MIO, MAMA, eso es imposible! ”
Hindi makapaniwala si Hunter nang marinig ang kuwento ng ina. Kararating lamang niya sa mansion nang ikuwento nito ang nangyari sa pamilya ni Ricar. At ang hindi niya lubos maisip ay ang huli nitong sinabi.
“ May taning na ang buhay ng kumadre ko, hijo at umaasa siya na maikasal kayo ni Ricar bago ito bawian ng buhay. ”
Animo bombang sumabog iyon sa kaniyang pandinig. Hindi niya mapigilang manibugho dahil sa mga naging pasya noon ng mga magulang niya para sa kaniya.
“ Lo siento, hijo. Kasalanan namin ito ng Papa mo. Hindi namin akalaing hahantong sa ganito ang lahat. ”
Naiiyak na si Donya Evilin dahil sa pag-aalala sa kaibigang nasa ospital at sa pag-aalala sa anak. Kitang-kita niya ang pagguhit ng pait at galit sa mukha
