Mag-a-alas nuwebe ng umaga nang may dumating na bisita ang mama ni Hunter. Pagkakita pa lamang sa kaniya'y agad na siyang tinaasan ng kilay ni Ricar.
"Bakit nandito ka pa rin?"
mataray na bungad nito sa pintuan pa lamang.
"Ahm, sa susunod na araw pa ako uuwi. Upo ka muna, nasa taas si mama."
Ngumiti siya at inignora ang kagaspangan ng bagong dating.
"Mama? Ang kapal din ngukha mong matawag-tawag na mama si ninang. Ako nga na magiging manugang nila, hindi matawag na 'mama' ang ninang."
Dahil hanggang 'ninang' lang talaga ang puwede mong itawag. Gusto niyang barahin ito, pero nagtimpi siya. Kahit paano'y may respeto siya sa mga malalapit sa pamilya Del Carlo. Feeling nito matutuloy ang arrange marriage na binabalak ng magulang ng mga ito. Well, sorry, dahil hindi siya papayag.
"
