HABANG papalapit siya sa cabin na tinutuluyan ni Hunter ay palakas naman nang palakas ang kabog ng kaniyang dibdib. Karay niya ang malaking laundry basket na naglalaman ng mga damit na pinalabhan nito. Plantsado na rin ang mga iyon. Tumigil siya sa paglakad at humugot ng malalim na hininga. Kahapon lamang ay kasama niya si Hunter pero ngayo'y ramdam niya ang pananabik na muling makita ang guwapong binata. Dalawang beses na siya nitong hinalikan, dalawang beses rin siyang tumugon at nagpaubaya. Sapat na ang dalawang beses para aminin niyang nahulog na ang loob niya rito. Mahal na niya si Hunter.
Pero dahil hindi naman nagtatapat sa kaniya ang lalaki, ililihim na lamang niya ang pag-ibig dito.
Humakbang siya patungo aa pintuan at tumimbre. Dalawang beses niyang pinindot ang doorbell bago
