SUNBLOCK
MASAMA ANG TINGING ipinukol sa kaniya ni Ricar nang lapitan siya ni Hunter at hapitin sa baywang. Siya man ay napapitlag sa ginawa ng binata.
Nang tingnan niya ito sa mukha sa nagtatanong na mga mata ay ngumiti lang ito at kumindat sa kaniya.
Kasali ba ang pagyakap sa kaniya sa pagpapanggap nila?
Tila nasisilaban ang balat niya sa pagdaiti ng katawa ni Hunter sa kaniya.
“ Kailangan mo nang masanay sa ganitong setup. Si Ricar pa lang at iilang mga kakilala dito sa Cape Montana ang nakakakita sa atin. ”
Bahagya pa nitong inilapit ang mukha sa kaniyang tainga para ibulong iyon.
Imbes na kumalma ang pakiramdam niya ay lalo lamang nagkabuhol-buhol ang kaniyang paghinga at nag-init pa ang mukha niya.
Napatuwid siya at nanigas nang maramdaman ang pagpisil nito sa baywang ni
