Agatha's Beatrix's POV
Masama man ang katawan ko pero pinilit ko pa rin na bumangan ngayong araw. Hindi pwedeng hindi ako gagalaw at mahihiga na lang dito. Naligo naman ako kaya kahit pa paano ay naalis ang init ng katawan ko. Nakaramdam ako ng kaginhawaan at uminom pa rin naman ako ng gamot kaya walang problema.
"Oh bumangon ka? Papasok ka sa bar?" gulat na tanong sa akin ni Ayeza habang nagwawalis siya sa sala.
Iba rin 'tong kaibigan ko sa kasipagan. Inaalagaan na n'ya ang anak n'iya, siya pa ang taga luto at taga-laba tapos taga-linis na rin. Kaya mas lalong ayokong matengga sa kwarto ko habang siya ay nagpapakapagod dito.
"Oo. Sayang ang sweldo kung hindi ako papasok. Ang laki nang nawawala sa sweldo ko e," paos na sambit ko.
Kahit ang boses ko ay namamalat na rin. Para akong sumu
