Ipinagsama nga siya ng dalawa sa rancho. Napakalawak niyon at maaliwalas. Madali niyang nakagaanan ng loob ang kapatid sa ama. Makwento ito. Taliwas sa inaasahan niya na tahimik. Natutuwa naman ang ama nilang si Miguel. Napag-alaman niyang maraming negosiyo ang ama. Halos malula siya sa yaman nito.
"Natutuwa ako na magkakasama tayo ngayon. Sana madalas ang pagpunta mo dito Danilo, para maturuan din kita kung paano hawakan ang mga negosiyo natin," sabi ng ama nila habang magkakasalo sila sa pananghalian. Maraming putaheng nakahayin kaya hindi siya magkaintindihan kung ano’ng kukunin. May manok, may isda, may karne rin.
"Sa akin niyo ba talaga ipapasa? Hindi ba pwedeng kay Alex na lang?"
"Kuya, bata pa ko. Kaya ikaw talaga, tutuwang na lang ako kapag t
