Catrione:
MATAPOS NAMING MAIHATID sa labas ng gate ang mga bagong dating na nagdala ng financial supplies para sa mga evacuees kasama si mayor ay bumalik na rin ulit kami ni Typhoon sa loob ng court at iniisa-isang inikot ang mga pasyente para kamustahin at maalalayan ang mga ito.
Hindi ko alam kung napansin din ni Typhoon, pero......ramdam kong may kakaiba sa dalawang nagpakilalang Jack at Ali sa amin kanina. Parang may ibig sabihin ang mga titig nila sa amin ni Typhoon na 'di ko mabatid kung ano.
Basta hindi ako komportable sa prehens'ya nilang dalawa.
"Mommy, gusto ko na rin ng gano'n oh"
Napasunod ako ng tingin sa inginuso ni Typhoon habang naglalakad kaming magkayakap dito sa hallway ng school kung saan naka-tent ang mga bagong silang na babies sa bawat silid, nakahiwalay kasi an
