Maliban sa nangangamba siya sa kung ano ang iisipin at magiging reaksiyon nito kung sakaling uusisain niya ang bawat detalye ng lakad nito, ay nanatiling blangko pa rin siya sa tunay na estado nilang dalawa ni Jacob. Kung sinimulan na ba kaya siya nitong ibalik sa dating pag-aaring posisyon sa puso nito ay isa pa ring palaisipan para sa kan’ya.
Bago ito umalis para muling bumaba ng bundok ay nagpabaon pa ito sa kan’ya ng huling halik sa labi. Nakahakbang na sana siya ng tatlong beses papunta sa nakatayong tent nila nang isang mabilis na hila ang ginawa nito at isinandal siya sa malapad na katawan ng punong pinakamalapit roon. Agad nitong sinakop ang kanyang labi at masuyo siyang hinalikan. Pagkatapos ay pinagdugtong ang kanilang mga noo, staring at her straight in the eyes.
Hindi niya ma
