*** Mae ***
Nang umagang iyon ay tinamad si Mae na pumasok sa trabaho. Puyat siya dahil sa kaiisip kung bakit biglang lumamig ang trato ni Jacob sa kan’ya. Sa bawat pikit ng kanyang mata kasi ay ang nakabusangot na mukha nito ang agad na rumehistro sa kanyang balintataw. Mahigit sa isang daang beses na yata niyang naitanong sa sarili kung may kasalanan ba siya o kaya ay may nakaaway ba ito? Subalit sa kaunting pagitan ng oras simula nang kumain sila hanggang sa lumabas ito ng bahay ay wala naman siyang napansin na nakausap nito kaya imposibleng may nakaaway ito. Hindi ang magiging sagot sa huli niyang choice. Kung gano’n, maaari ngang siya ang dahilan kung bakit ito nanlamig sa kan’ya. Pero bakit hindi man lang nito ipinabatid nang malaman niya at ma-explain kung sakaling mayro’n
