Most of the time ay si Jordan lang ang kinakausap niya. Sa tuwing nag-uusap naman si Jordan at Jacob ay tahimik lang siyang nakikinig. Minsan ay naririnig din niyang sumasabat sa usapan ang babaeng kasama nito na tinawag nila sa pangalang Briana. Halatang sanay ito sa ganitong lugar. Sa galaw at pananamit nito ay hindi maikakailang galing ito sa mataas na angkan ng pamilya, maging ang kutis nito ay makinis at maputi.
Hindi sila nag-uusap ng babae. Subalit may pagkakataong nagpang-abot ang mga mata nila. Wala naman siyang nakikitang kakaiba sa uri ng pagtingin nito sa kan’ya. Pakiramdam niya ay isa lang siyang ordinaryong tao at empleyado sa mga mata nito.
Kapag si Jordan ang kausap niya ay nag-iiba ang kanyang mood. Palaging gumagaan ang ere sa tuwing kaharap niya ito. Mapagsaluha
