Upang alisin ang namumuong pagbabago ng kanyang mood ay inaliw ni Jacob ang mga mata sa pamamagitan nang pagmasid sa bawat lugar na nadadaanan. Araw na ng Lunes iyon at kasalukuyan silang bumi-biyahe pabalik ng Maynila para sa meeting nilang dalawa ni Mr. Del Cuizon mamayang ala una ng tanghali. Kasama niya sa sasakyan si Mr. Ching at ang driver nito. Wala siyang dalang sasakyan nang dumating sa probinsya kaya hinatid siya nito gamit ang sarili nitong pick up. Gaya nga nang naipangako nito ay ipinaalam nito sa kan’ya ang mga natirang nalalaman nito tungkol kay Hernando, ‘yon nga lang ay bigla namang nalihis ang usapan at napunta sa kanilang dalawa ni Mae.
“Mali yata ang nasagap mong chismis, hijo. Sobrang pihikan kaya ng batang iyon. May pagkakataon ngang pabiro namin siyang tinukso sa
