Chapter 16
Kino’s PoV
Pag labas ko ng kwarto ni Patring, nagulat ako sa aking nakita. Hindi ko inaasahan na bubungad sa akin si Miss Roxy. Naka cross-arms siya at nakataas ang kilay. Binabantayan niya ba talaga ako?
“Miss, anong kailangan mo?” tanong ko.
Hindi niya ako sinagot bagkos ay tinalikuran na naman niya ako. Wala naman akong ginagawang masama pero alam kong kailangan ko siyang suyuin.
Hinablot ko ulit ang kamay niya para muli niya akong harapin. Wala akong balak magpaliwanag. Ayokong mag mukhang defensive.
“Miss, hear me out,” sabi ko nang tumigil siya para harapin ako.
Nakatitig lang siya sa akin at naghihintay ng paliwanag ko pero parang wala naman siyang pakialam dahil iba na ang iniisip niya.
“Bahala ka na kung ano ang gusto mong isipin,” ‘yun lang ang sinabi ko.
