Chapter 24
Kino’s PoV
Hindi ko alam kung bakit kailangan ko pang uminom ng beer at lunurin ang sarili ko sa alak para lang makahiram ng kumpyansa para tanungin si Miss Roxy kung mahal niya ba ako. Matindi ang naging training ko noong college lalo na bilang isang secret agent. Hindi ko lubos maisip na isang matandang dalaga lang pala ang magpapakabog ng husto sa dibdib ko.
“Bukas mo na lang itanong ‘yan kapag hindi ka na lasing.”
Kahit marami-rami ang nainom ko, alam ko pa ang mga sinasabi at ginagawa ko. Seryoso ako sa tanong ko na ‘mahal niya ba ako?’ at sa lahat ng sinabi ko. Bakit ba ayaw maniwala ni Miss Roxy?
“Sinabi ko na, hindi ako lasing. Pero sige kung ‘yan ang gusto mo. Bukas, alas-otso ng gabi, itatanong ko ulit. Papatunayan kong matino ang isip ko ngayon. Seryoso ako sa
