CHAPTER 36
NANG MAGISING si Kirsten ay kaagad siyang nagtimpla ng gatas. Tulog pa ang ninang niya dahil ang alam niya, nasisipon ito noong nakaraang gabi. Nadatnan nila ito ni Britney na panay ang bahing habang nanonood ng TV sa sala. Pinainom niya ito ng gamot at sinabihang magpahinga nang maaga. Mabuti at nakaluto na ito ng hapunan nila kaya naman nakakain sila ni Britney bago magpahinga.
Tulog pa ang kaibigan niya. Nang silipin niya ang oras sa wallclock, nakita niyang mag-aalas siyete na nang umaga. Nakalagay sa schedule niya ngayon ay ang unang araw niya bilang modelo ni Lavi. Ngayong umaga niya lang nakita iyon dahil nakalimutan niyang basahin kagabi ang email ng manager niya kaya naman nagulat siya.
Nakaramdam siya ng pagkasabik dahil makikita niya ang dalaga. Muling pumasok sa
