CHAPTER 16
KINABUKASAN, kung ano ang nasa plano, iyon nga ang ginawa ng mag-anak na Del Mundo. Nagpunta sila sa mall upang mamili ng damit kung ano ang susuotin ng mga ito para sa darating na araw ng pag-rampa ni Kirsten. Noong tinanong ni Kirsten si Lavi kung ano ang tema, hindi ito kaagad sumagot bagkus ay tinanong siya pabalik nito kung bakit. Sinabi niya tuloy na iyon ang unang beses na mapapanood siya ng kaniyang mga pamilya na rumampa sa stage.
Lahat sila ay nagulat nang sabihin nitong pumunta sila sa sa isang clothing shop sa mall. Hindi niya alam kung bakit ngunit dahil curious siya ay sinunod na lang niya ito. Wala siyang ideya ngunit naisip niya baka magagandang damit naman ang makita nila sa shop na iyon.
Ngunit tila lumabas ang puso niya nang makita ang presyo ng mga damit
