CHAPTER 18
HINDI NAMAN iyon ang unang beses na rarampa si Kirsten sa harapan ng maraming mga tao ngunit sobrang kabado siya. Alam niyang normal ang ganoon kahit na matagal na sa ganoong industriya ang isang modelo ngunit gusto niyang pagalitan ang sarili ngayon dahil pakiramdam niya ay naninibago siya.
‘Naninibago o naiilang ka lang?’ tanong niya iyan sa isipan.
Siguro ay dahil din iyon sa bagay na nasa labas na ang pamilya niya at handa na ring manood sa buong show.
‘Dahil nga ba kina mommy kaya ako nagkakaganito?’ tanong niyang muli sa isip. Napailing siya saka pilit na inalis ang lahat ng mga bagay-bagay sa isipan. Kailangan niya mag-focus sa trabaho dahil propesyunal na siya sa mga ganitong bagay. Sadyang nagtataka lang kasi siya dahil nga sobra yata siyang kabado ngayon na dapat
