CHAPTER 38
TAHIMIK LANG si Kirsten habang hinahayaan niyang si Lavi ang umorder ng kakainin nila. Ngayon lang siya nakarating sa restaurant na pinagdalan sa kaniya rito sa Mall of Asia. Bukod sa hindi niya alam kung ano ang kakainin niya ay hindi pa siya nakakabawi mula sa ginawa nitong paghalik sa kaniyang labi noong nasa sasakyan pa lang sila.
Akala niya ay tatakasan siya ng puso niya dahil parang gustong lumabas niyon sa dibdib niya. Napailing siya dahil pilit niyang kinakalma ang sarili. Nahalikan din naman siya ni Anthony noon ngunit hindi ganito ang naramdaman niya. Masaya siya ngayon na para ba siyang teenager na nakatanggap ng halik mula sa crush niya. Alam niya ang dahilan niyon ngunit ayaw naman niyang maging obvious dito kay Lavi. Nahihiya siya.
“May gusto ka pa bang idagdag?
