CHAPTER 14
GUMAGAYAK NA si Kirsten at halos patapos na sa kaniyang make-up nang may kumatok sa pinto ng silid niya. Nang lingunin niya kung sino ang pumasok, si Kristal. Ngumiti siya rito saka binitiwan ang brush na siyang pinaglagay niya kaunting blush on sa pisngi. Naupo ang kapatid niya sa ibabang kama saka nagsalita.
“Ang ganda naman ng ate ko. Parang rarampa ka sa pupuntahan mo ah?” Ngumiti ito sa kaniya. “Bagay na bagay sa iyo iyang suot mo. Ang galing mo talaga magdala ng damit. Nakakainggit.”
Kumunot sandali ang noo niya. “Magaling ka rin naman magdala ng damit, ah? Pwede ka rin maging modelo gaya ko. Gusto mo ba?” tanong niya rito. Hindi mahirap para sa kaniya na tulungan itong makapasok sa industriyang ginagalawan niya kung nanaisin ng kapatid niya. Maganda rin naman ito at ma
