CHAPTER 51
NAGISING SI Kirsten nang maramdaman niyang may humahaplos sa kanyang pisngi. Dahan dahan niyang idilat ang mga mata at nakita niyang nakatanghod sa kanya si Lavi. Nakahiga ito sa tabi niya at ngumiti ng tipid. Tumingin sya sa gawi ng bintana at nakita niyang madilim na sa labas. Para ba siyang nagulat pa nang mapagtanto niya na nakatulog pala siya sa kama nito. Nakaramdam naman siya ng hiya nang maisip na siya dapat ang nagbabantay dito pero nakatulugan niya.
Bumangon siya at inihilamos ang dalawang kamay sa mukha sabay ayos ng buhok na nagulo. "Pasensya ka na kung nakatulog ako. Anong oras na ba?" tanong niya rito.
"Alas-otso na ng gabi. Okay lang naman kung nakatulog ka. Alam ko naman kasi na pagod ka rin dahil binantayan mo ako."
Napangiti siya dahil sa sinabi nito. Tinaa
