Kumislap ang mga mata ko na napalingon sa kinaroroonan ng boses ni Candy.
"C-Candy!" Agad kong binitawan ang kamay ni Kysler at tumakbo sa kinaroroonan ng anak ko. Kahit basang basa ako ay hindi ko na napigilan ang sarili kong buhatin si Candy.
Tuwang-tuwa si Candy nang makita ako.
Hindi niya rin pansin na basang-basa ako. Basta niya lang din ako niyakap. Alam kong miss na miss niya na ako.
"Mama, miss na miss ko na kayo," humigpit ang yakap nito sa akin at hinalikan ako sa aking pisngi. Hinalikan ko rin ito sa kaniyang pisngi. Sinamantala ko ang pagkakataon na makasama siya at mayakap ng ganito kahigpit.
"Pero basang-basa po kayo, Mama." pag-aalala niya sa akin.
"Wala lang ito baby ko. Makita lang kita ay pawi kaagad ang lamig ko. I love you baby," muli ay dinampian ko ng hali
